التخطي إلى المحتوى
تعرف على المسبب الاساسي لتسوس الاسنان وهل للسكر علاقة به ؟

اول خرافة معانا وحقيقتها … بس هي مش خرافة بمعناها الكامل ، ولكن هي معلومة ناقصة لازم نكملها، فكتير مننا بيعتقدوا ان فقط السكر هو المسبب الرئيسي لتسوس الأسنان.

لكن الحقيقة ان تسوس الأسنان بينشأ نتيجة حمض بتكونه بكتريا ” او السوسة زي ما بنسميها ، واسمها العلمي Plaque” وبتكون موجودة في الفم.

وبيقول الدكتور Harms : إن اللي البكتريا بتعمله هو انها بتتغذي على الكربوهيدرات اللي بتفضل على الاسنان ، والسكر واحد من الكربوهيدات دي ووكذلك الارز والعيش والفواكه والخضرواوت هي التانية فيها كربوهيدرات .

فلما بتاكل اي شئ فيه كربوهيدرات ، البكتريا بنتشط وبتنتج حمض بيعمل علي تآكل اسنانك .😢

وبيقول الدكتور :” بمجرد ما بتفرز البكتريا الحمض ، بتتكون على الاسنان ” حفرة – Cavity” ، بتقدر البكتريا تعيش فيها ، وتحمي نفسها نسبيا من خيط التنظيف او فرشاة الأسنان.”ووقتها بتستمر البكتريا في عملها بانها تتغذي على الكربوهيدرات وتنتج الحمض ويزداد حجم الحفر مع الوقت .🕳️😖

وخلي بالك ان سبب تسوس الأسنان ما بيعتمدش فقط على كمية الكربوهيدرات اللى بتاكلها ، ولكن بيعتمد على المدة اللى بتفضل فيها الكربوهيدرات علي اسنانك ⏱️⏲️ .فمثلا لو اكلت على الغدا كمية كربوهيدرات كتيرة ، فانت كدة تعرضت ليها لمرة واحدة وتاثيره بيكون اقل خطراً من انك تفضل كل فترة طول اليوم تشرب في عصير سكري او انت تاكل وجبات خفيفة فيها كربوهيدرات بالتناوب طول اليوم .

طب كدة احنا عرفنا السبب كيف بقي نحافظ على اسنانا من التسوس :

نبدا في البداية كدة بخطوات بسيطة واساسية وهتزيد معانا مع الوقت فى بوستات تانية :

1- نظف اسنانك بفرشاة مناسبة ومعجون يحتوي على الفلورايد مرتين يوميّاً في الصبح وبالليل على أقل تقدير ، ويفضل بعد كل وجبة ، واستخدم خيط الاسنان قبل التنظيف.😁

2- استحدم غسول للفم قبل ما تنام واول ما تصحي من النوم ، وفي حالة عدم توفره تقدر تستخدم المية عادي ، ويفضل تشرب ماية بعد اي حاجة تاكلها .
.
3- استخدام السواك ، فهو بيحتوي على مواد مطهّرة بتعمل على تنظيف الأسنان، وتمنع صدور ريحة منها، وفي معاجين أسنان كتيرة بتحتوي على خلاصة السواك ممكن تستخدامها، مع أنّه من الأفضل تستخدم السواك الخام.

4- استبدل الوجبات السريعة والسناكس بالفواكة🍉🍐( والافضل تكون اقل سكرية واقل حمضية ) والخضروات 🥦🍌، والوجبات اللي فيه كالسيوم وفوسفات والمعادن بشكل عام.💪

حفظ الله الجميع من كل مكروه وسوس 🙏🤲